21 лютага адзначаецца Міжнародны дзень роднай мовы.
Свята было заснавана ЮНЕСКА ў лістападзе 1999 года з мэтай павышэння дасведчанасці аб моўнай і культурнай разнастайнасці шматмоўя.
Сёння ў свеце налічваецца больш за 6000 моў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.
Беларуская мова прайшла доўгі гістарычны шлях, на якім былі як часы росквіту, так і часы заняпаду. Нашы бацькі, дзяды і прадзеды нямала зрабілі, каб беларуская мова была прызнаная, як роўная, сярод іншых моў свету.
З нагоды свята выкладчыкі цыклавой камісіі моў і літаратуры, Чыж В.М. і Яфімава Т.У. павіншавалі навучэнцаў і супрацоўнікаў установы адукацыі "Магілёўскі дзяржаўны політэхнічны каледж" са святам: выступілі па радыё з цікавымі звесткамі аб мове, правялі мерапрыемства "Слоўцы", а таксама конкурс газет і плакатаў.
Прапанавалі жадаючым прыняць удзел у напісанні на флаерах працяг выказвання "Я люблю Беларусь, таму што..." на роднай мове.
21 лютага онлайн на YouTube-канале Інстытута мовазнаўства імя Якуба Коласа i ў прамым эфіры на канале “Культура” Беларускага радыё, прайшла трансляцыя Рэспубліканскага дыктанта па беларускай мове, прысвечанага Міжнароднаму дню роднай мовы, у якім нашы навучэнцы таксама прынялi актыўны ўдзел.
